[食食食] 豐儉由人刺身丼飯 – 日本野 @ 旺角

早前趁仲有機會相聚，

終於同好姐妹試左一直想試嘅日本野啦！

 

作為大熱食店，

座位不算少但食客超多，

建議大家早d入座、唔使捱餓！

 

極上七品刺身用料上乘極吸引，

海膽甘香甜美，

巨形牡丹蝦軟糯鮮甜，

活赤貝、八爪魚口感爽脆，

三文魚、油甘魚、帆立貝件件厚切美味，

一盤刺身瞬間光碟！

 

姐妹向來愛吃蟹籽沙律，

爽脆的青瓜絲配上蟹柳、蟹籽和日式醬汁，

特別清新。

 

脆味雞軟骨一直都係我嘅香口之選，

雞軟骨炸得脆卜卜，

一口一個最滋味。

 

日本野呢款自選丼飯真係超抵食，

仲有好多款刺身可以揀，

絕對豐儉由人。

 

我揀左三文魚、三文魚籽、吞拿魚碎配海膽，

丼飯分量都幾多，

但如果仲未夠飽嘅話都可以再加配小食！

 

飯後一杯熱檸檬茶消飽滯，

同姐妹傾左好多，

希望下次又可以一齊享受美食ME TIME啦！

 

日本野

旺角西洋菜南街2A號銀城廣場9樓

 

 

#日本野 #日本菜 #旺角 #吃貨 #相機先食 #HKFOOD #FOODIE #兔兔兔子窩

 .

.

.